Laust starf upplýsinga- og skjalastjóra

Laust er til umsóknar starf upplýsinga- og skjalastjóra hjá Skaftárhreppi. Markmið starfsins er að tryggja skilvirka stjórnun upplýsinga, vinnslu þeirra, miðlun og vörslu til hagræðingar fyrir starfsemi sveitarfélagins og efla hagnýtingu upplýsinga- og miðlunarkerfa.

Meðal helstu verkefna:

  • Samræma stjórnkerfi gagna fyrir starfsemi sveitarfélagins
  • Innleiða verklag og hafa umsjón með meðhöndlun gagna
  • Undirbúningur skjala til héraðsskjalasafns
  • Ráðgjöf og fræðsla til starfsmanna
  • Sinna ýmsum tilfallandi verkefnum í tengslum við upplýsinga- og skjalastjórnun

 

Hæfniskröfur:

  • Háskólamenntun sem nýtist í starfi
  • Þekking og/eða reynsla af upplýsinga- og skjalastjórnunarkerfinu One system er kostur
  • Gott vald á upplýsingatækni
  • Frumkvæði og skipulagshæfni
  • Gott vald á rituðu og töluðu máli, bæði íslensku og ensku

Um fullt starf eða hlutastarf getur verið að ræða. Starfsstöð sveitarfélagsins er á Kirkjubæjarklaustri. Launakjör eru skv. kjarasamningum Sambands íslenskra sveitarfélaga og viðeigandi stéttarfélags.

Æskilegt er að viðkomandi geti hafið störf sem fyrst.

Frekari upplýsingar um starfið veitir Sandra Brá Jóhannsdóttir, sveitarstjóri í síma 487-4840 eða á netfangið sveitarstjori@klaustur.is

Konur jafnt sem karlar eru hvattar til að sækja um starfið.