Kirkjustarf

Skaftárhreppur er eitt prestakall sem heitir Kirkjubæjarklaustursprestakall. Prestssetrið er á Kirkjubæjarklaustri. Það eru fjórar sóknir: Grafarsókn í Skaftártungu, Langholtssókn í Meðallandi, Þykkvabæjarklausturssókn í Álftaveri og Prestsbakkasókn á Síðunni. 

Kirkjurnar eru margar enda sveitin stór og var áður mjög ógreiðfært á milli staða: Talið frá vestri eru kirkjurnar Þykkvabæjarklausturkirkja í Álftaveri, Grafarkirkja í Skaftártungu, Langholtskirkja í Meðallandi, Prestsbakkakirkja á Síðu, Kálfafellskirkja í Fljótshverfi. En það eru fleiri guðshús: Minningarkapella Sr. Jóns Steingrímssonar á Kirkjubæjarklaustri, Bænhúsið á Núpsstað, og kapella Hjúkrunar og dvalarheimilisins á Klausturhóla.