Sorpmál/endurvinnsla

Vinsamlegast setjið pappír og plast í tvo glæra plastpoka og setjið svo í grænu tunnuna.

Gámavöllurinn á Kirkjubæjarklaustri er opinn alla daga fyrir skil á heimilissorpi. Hægt er að ganga inn á gámavöllinn eða skila í endurvinnslubarinn. Gámavöllurinn allur er opinn og vaktmaður sem aðstoðar við flokkun:

Þriðjudaga 10 til 14

Fimmtudaga 14 til 18

Laugardaga 10 til 14

Vöndum flokkun - verndum umhverfið

Skilaskyldar umbúðir má setja í dall sem eldri borgarar fá hagnaðinn af. Gámur fyrir lífrænt sorp er inni á gámavellinum svo og staður fyrir raftæki og fleira.

Leiðbeiningar um flokkun, á íslensku og ensku..

Á Gámavellinum á Kirkjubæjarklaustri er endurvinnslubar þar sem hægt er að skila sorpi allan sólarhringinn. Á myndinni sést vel hverju á að skila hvar. 

Ef þú vilt ræða eða spyrja um sorpmál í Skaftárhreppi er hópur á facebook fyrir slíkt: Sorpmál í Skaftárhreppi. 

Sorphirðing og sorpförgun er á vegum sveitarfélagins. Í ársbyrjun 2020 voru lausir samningar við Íslenska gámafélagið og tóku þá nokkrir verktakar í Skaftárhreppi við verkefninu.

Unnið er að þróunarverkefni í samstarfi við ReSource International og Háskóla Íslands.  Skaftárhreppi er skipt upp í svæði og fá íbúar mismunandi þjónustu. Sendir voru út spurningalistar áður en átakið byrjaði og svo verða íbúar spurðir aftur síðar. Markmiðið er að auka flokkun, minnka förgun og nýta lífrænan úrgang í héraði. Einnig er markmið að reyna að draga sem mest úr kostnaði við sorphirðu. Í Skaftárhreppi eru miklar vegalendir og því dýrt að sækja sorp heim á hvern bæ.

Umsjónarmaður sorpmála í Skaftárhreppi er skipulags- og byggingarfulltrúi. Vinsamlegast hafið samband ef einhverju er ábótavant í netfangið: bygg (hja) klaustur.is eða hringið á skrifstofu Skaftárhrepps.

Smellið á myndirnar til að lesa skýrslurnar: