Héraðsbókasafnið Kirkjubæjarklaustri

Héraðsbókasafnið Kirkjubæjarklaustri er í glæsilegu húsi sem er sambyggt Kirkjubæjarskóla. Bókasafnið tók til starfa í þessu húsi 1988 en hafði áður verið í rými við matsal skólans. Héraðsbókasafnið er  bæði skólabókasafn og ætlað almenningi. Bókakosturinn er mjög góður og keyptar inn allmargar nýjar bækur á hverju ári. Einnig hafa nokkrir íbúar í Skaftárhreppi og brottfluttir arfleitt safnið að stórum bókasöfnum.