Sótt um að byggja útflutningshöfn við Alviðruhamra
29.11.2025
- Sveitarstjórn tók til umfjöllunar á 525. fundi sínum, bréf frá Eflu fyrir hönd EP Power Minerals Iceland ehf. dagsett 14. nóvember 2025, ásamt skipulagslýsingu vegna hafnarframkvæmda við Alviðruhamra.
- Sett er fram skipulagslýsing fyrir breytingu á Aðalskipulagi Skaftárhrepps 2023-2043.
- Gerð verður breyting á landbúnaðarsvæði og því breytt í hafnarsvæði, með heimild til hafnargerðar, varnargarða og bygginga sem tengjast notkun hafnarinnar og verkefninu. Skipulagslýsingin nær einnig til deiliskipulags þar sem gert verður nánar grein fyrir framkvæmdum.
- Til stendur að gera nýja bryggju við Alviðruhamra á austanverðum Mýrdalssandi.
- Gert er ráð fyrir langri og mjórri rörabryggju sem nær 2 km. út í sjó og um 200 m. löngum viðlegukanti við enda hennar.
- Sveitarstjórn Skaftárhrepps vísaði málinu til Skipulags- og umhverfisráðs Skaftárhrepps til umfjöllunar og afgreiðslu