Ársreikningur 2024
18.07.2025
Niðurstaða ársreiknings ársins 2024
- Rekstrarniðurstaða samstæðu Skaftárhrepps fyrir afskriftir og fjármagnsliði var jákvæð um 53.333.000 krónur.
- Rekstrartekjur voru 1.217.418.000 krónur og rekstrargjöld 1.164.085.000 krónur.
- Rekstrarniðurstaða samstæðunnar eftir afskriftir og fjármagnsliði var neikvæð um 13.392.000 krónur.
- Samkvæmt yfirliti um sjóðstreymi nam veltufé frá rekstri samstæðunnar um 42.838.000 krónur.
- Fjárfestingahreyfingar voru neikvæðar um 160.571.000 krónur og fjármögnunarhreyfingar sem voru jákvæðar um 135.429.000 krónur.
- Afborganir langtímalána námu um 27.347.000 krónur.
- Handbært fé samstæðunnar lækkaði um 43.965.000 krónur á árinu 2024, handbært fé var í árslok 39.647.000 krónur.
- Skuldaviðmið A og B hluta, skv. reglugerð nr. 502/2012 er 36%. Miðað er við að þetta hlutfall sé ekki hærra en 150%.
- Eigið fé sveitarfélagsins eru 1.311.792.000 kr. og langtímaskuldir A og B hluta eru kr. 489.758.000.
- Fjárfestingar í varanlegum rekstrarfjármunum (viðhald eigna) á árinu 2024 voru kr. 148.917.000. Þar af í A-hluta 138.430.000.
- Stærstu einstöku fjárfestingingarnar voru í viðhaldsverkefni á húsnæði grunnskólans eða kr. 72.504.000, Kirkjuhvoll kr. 13.769.000, kaup á liðléttingi kr. 10.815.000 og skólalóð kr. 19.936.000.
- Sveitarfélagið hélt áfram að styrkja innviði sveitarfélagsins á árinu 2024 má svo sem nefna:
- Aukið fjámagn til menningarmála og til íþrótta og æskulýðsstarfs sem rekja má að mestu leiti beint til aukinnar þjónustu við íbúa sveitarfélagsins.
- Greiddir styrkir til björgunarsveitanna Kyndils, Lífgjafar og Stjörnunar skv. styrktarsamningum sem gerðir voru til þriggja ára árið 2023.
- Kirkjusóknir sveitarfélagsins voru styrktar varðandi kórastarf.
- Á árinu 2024 var fram haldið umfangsmiklum og löngu tímabærum endurbótum á húsnæði Kirkjubæjarskóla. Endurbótum og breytingum sem ekki er, frekar en annars staðar, fyrir fram hægt að sjá hvað muni endanlega kosta. Þá var einnig ráðist í sameiningu skólastofnananna, þ.e. leik og grunnskólans með það að markmiði að styrkja innra starf þeirra beggja, til lengri tíma litið.
- Sveitarfélagið fjárfesti á árinu 2024 í sjö einingum íbúðarhúsnæðis á Kirkjubæjarklaustri, ásamt Brák íbúðafélagi. Var hlutur Skaftárhrepps í þeirri fjárfestingu 38.814.000 krónur.
- Fjárfestingar undanfarin tvö ár hafa í öllu verið hugsaðar með bættan hag samfélagsins í huga og þá ekki hvað síst upprennandi kynslóða.