Myndir sem Guðmundur Vignir tók á þorrablótinu Kirkjubæjarklaustri þann 30. janúar 2010.
Hér koma myndir frá því er jólatréð fræga, sem stóð fyrir framan Systrafoss, var fellt og sett á flutningarbíl áður en það var flutt til Reykjavíkur. Skoðið myndirnar í öfugri röð v/tæknilegra mistaka. Myndirnar eru fengnar að láni frá Elínu Önnu Valdimarsdóttur
Þegar leikur hófst þá var þetta auðvitað haft eins og fyrr á árum þ.e.a.s. Klaustur á móti rest. Hópur sveitastráka var frekar þunnskipaður og því fór fljótlega að draga af þeim og skoruðu Klausturstrákarnir því nokkur heppnismörk. Þegar staðan var 10-3, Klausturstrákum í vil var ákveðið að taka leikhlé og gefa liðunum tíma til þess að ráða ráðum sínum. Að leikhléi loknu fór einn leikmanna sveitastráka fram á það að leikurinn yrði "núllaður" þar sem markatala mótherjans fyllti orðið tuginn. Eitthvað könnuðust menn nú ekki við þessa leikfléttu frá gamalli tíð en létu gott heita og seinni hálfleikur hófst því í stöðunni 0-0. Þegar leikur hófst að nýju kom fljótlega í ljós að eitthvað hafa menn nú lært í gegnum tíðina því að á meðan þessu fór fram hafði sveitastrákum tekist að kaupa einn leikmanna Klausturstráka yfir í sitt lið. Ekki fer sögum af kaupverði eða launakjörum þessa leikmanns en þeir hafa eflaust talið sig eiga gamla hönk upp í bakið á honum þar sem þeir kynntu hann fyrir heimasætunni á einum bænum fyrir næstum 20 árum. Við þetta jafnaðist leikurinn töluvert og eftir mikið fjör og mörg glæsileg tilþrif þá var leikurinn flautaður af í stöðunni 3-3 og allir gengu sáttir af velli.
17. júní 2006 var haldinn hátíðlegur í Skaftárhreppi á ágætis veðri. Eins og undangengin ár fóru hátíðarhöldin fram á tveimur stöðum í sveitarfélaginu, á Kirkjubæjarklaustri og í Tunguseli. Jóna S. Sigurbjartsdóttir, oddviti, hélt hátíðarræður á báðum stöðum. Hátíðahöldin fóru vel fram en líklegt að margir hafi haft nóg annað fyrir stafni því fremur fámennt var.
Við fjölskyldan fórum í síðbúinn sunnudagsrúnt, mánudaginn 1. maí 2006, og heimsóttum heiðursmennina Filippus Hannesson, að Núpsstað, og Sverri Rúnólfsson, að Hólmi. Þessir merkisstaðir voru skoðaðir í blíðskaparveðri og mikill fróðleikur var innbyrtur við frásagnir húsbænda.
Gunnsteinn R. Ómarsson
Nemendur leikskólans Kærabæjar, auk leikskólastjóra, fóru laugardaginn 29. apríl 2006 í afskaplega fróðlega og skemmtilega ferð í Landbrot og Meðalland. Nýja fjósið í Eystra-Hrauni var heimsótt og boðið var uppá mjólk og kökur. Farið var í heimsókn að fyrirmyndarbýlinu að Syðri-Fljótum þar sem nýfædd lömb voru skoðuð, mæðgunarnar að Fljótum sýndu snilldartakta og allir fóru á hestbak. Grillið var kynt og snæddar voru pylsur. Að lokum var farið í heimsókn til Vilhjálms á Hnausum þar sem sagðar voru sögur í gamla fjósinu og smiðjan var skoðuð í krók og kima.
Myndir teknar 22. og 23. apríl 2006 af hinu gríðarmikla Skaftárhlaupi við Ása. Gríðarlega mikið var fjallað um hlaupið í fjölmiðlum og má segja að hlaupið hafa haft þar mest áhrif. Hins vegar skal ekkert dregið úr áhrifum hlaupsins sem örugglega eru töluverð víða um sveitir. Myndirnar tala sínu máli.
Íþróttamaður ársins í Skaftárhreppi árið 2005 var heiðraður á Héraðsbókasafninu á Kirkjubæjarklaustri 23. desember við mikinn mannfögnuð.
Tilnefndir voru fimm íþróttamenn sem íþróttamaður ársins:
Guðlaugur Kjartansson tilnefndur eftir ábendingu, Harpa Jóhannesdóttir tilnefnd af Ungmennafélaginu Skafta, Kristín Lárusdóttir tilnefnd af Hestamannafélaginu Kóp, Sigurður Gunnarsson tilnefndur af Ungmennafélaginu Ármanni og Þórunn Bjarnadóttir tilnefnd eftir ábendingu.
Þórunn Bjarnadóttir hlaut verðlaunin.
Einnig fór fram umhverfisverðlaunaveiting Skaftárhrepps árið 2005 við sama tækifæri. Fyrir fegursta umhverfi sveitarbæjar hlutu Valdimar Erlingsson og Unnur Þórðardóttir verðlaunin fyrir Grund í Meðallandi. Verðlaun fyrir fegurstu lóð hlutu Rúnar Páll Jónsson og Rannveig Bjarnadóttir fyrir lóðina að Skaftárvöllum 8 á Kirkjubæjarklaustri.
36. aðalfundur SASS var haldinn á Kirkjubæjarklaustri dagana 25. - 26. nóvember 2005 í félagsheimilinu Kirkjuhvoli. Sveitarstjórnarmenn fjölmenntu á fundinn, sem þótti mjög gagnlegur.
Árni Magnússon, félagsmálaráðherra, ávarpaði fundinn en vegna þingfundar áttu fæstir alþingismanna færi á að mæta til fundarins.
Kvenfélag Kirkjubæjarhrepps, héllt upp á 70 ára afmæli sitt með kaffiveislu í félagsheimilinu Kirkjuhvoli.
Hinrik Valsson danskennari var með dansskóla í 2 vikur í lok september og byrjun október. Lauk skólanum með danssýningu. Sýningin var haldin í Kirkjuhvoli þar sem leikskólinn og grunnskólinn sýndu hvað þau höfðu lært. Hér koma nokkrar myndir frá danssýningunni.af leikskólabörnunum og yngstu grunnskólanemendunum.
Glæsilegur sparkvöllur, sem reistur var að frumkvæði Knattspyrnusambands Íslands, var formlega vígður á lóð Kirkjubæjarskóla á Kirkjubæjarklaustri fimmtudaginn 24. nóvember 2005. Viðstaddir voru fulltrúar frá KSÍ, starfsmenn og nemendur Kirkjubæjarskóla og leikskólans Kærabæjar, fulltrúar frá sveitarfélaginu og íbúar.
Myndir af hálendi Skaftárhrepps teknar laugardaginn 13. ágúst 2005, m.a. í Hólaskjóli, Eldgjá og Langasjó.
Laugardaginn 10. september 2005 var réttað í Skaftárrétt. Fjöldi fjár var dregið sundur af fjölda manns og höfðu allir gaman af í fremur votu veðri.
Sá merki viðburður átti sér stað að Hilmar Jónsson, fjallkóngur á Landbrotsafrétti, var að skila starfi á afrétti fimmtugasta árið í röð.
Réttað var í Grafarrétt í Skaftártungu laugardaginn 17. september 2005. Fé kom feitt og fallegt af fjalli enda var stemningin í réttinni eftir því.
Fallegar myndir úr miðnæturkyrrðinni í nágrenni Klausturs. Fyrir þá sem gaman hafa af myndum og eiga stafrænar myndir í sínum fórum, endilega sendið myndir til birtingar á síðunni, sveitarstjori@klaustur.is. Eins ef þið eigið myndir sem fallegri eru en þær sem birtar eru undir áhugaverðum stöðum, þá þætti okkur vænt um að fá þær sendar.
Líf og fjör á Kirkjubæjarklaustri um verslunarmannahelgi 2005 í frábæru sumarveðri. Yfir 3000 gestir á svæðinu og allir sáttir við guð og menn.
Landsmót UMFÍ haldið í Vík um verslunarmannahelgina 2005. Myndir frá setningu mótsins sem tókst eins og best verður á kosið. Frábær umgjörð, Mýrdælingum til mikils sóma.
Dagana 12. - 14. ágúst fóru félagsmenn í hestamannafélaginu Kópi í sína árlegu félagsreið.
22. júní 2005 fóru fáeinir karlar í ferð inn að Laka. Farið var upp með Þverá, stoppað í Miklafelli, Blæng og Blágiljum
Fáeinar myndir frá fjölskylduhátíðinni Jónsmessubáli sem haldin var á Kirkjubæjarklaustri 24. - 26. júní 2005.
Á myndunum má sjá brot af þeim uppákomum sem fram fóru og brot af því fólki sem þátt tók í hátíðarhöldunum.
17. júní var haldinn hátíðlegur á Kirkjubæjarklaustri árið 2005 í blíðskaparveðri. Hátíðarhöld tókust vel en fleira fólk hefur einhverntíma sést við slíkt tækifæri.
Skrúðganga fór frá Skaftárskála í lögreglufylgd að íþróttahúsinu og í og við íþróttahúsið voru ræðuhöld, veitingar og leikir fyrir börn og fullorðna.
Hestamannafélagið Kópur og ungmennafélagið Ármann sáu um undirbúning og framkvæmd hátíðarhaldanna.