Fundur Umhverfis- og náttúruverndar Skaftárhrepps, haldinn á Kaffi- Munkum, fimmtudaginn 20. október 2011 kl. 16:00.  Fundargerð er tölvuskráð og er tvær blaðsíður að lengd.

Mætt eru:

Ragnheiður Hlín Simonardóttir, formaður.

Kári Kristjánsson, varaformaður.

Bryndís Guðgeirsdóttir, ritari.

Formaður setur fund og bíður fundarmenn velkomna.

Næst er gengið til dagskrár:

1. Umhverfisþing 14. október 2011.

Kári greinir frá Umhverfisþingi sem haldið var 14. október sl. á Hótel Selfossi og hann sat, m.a. sem fulltrúi Umhverfis- og náttúruverndarnefndar Skaftárhrepps.  Vekur hann athygli á Hvítbókinni sem er aðgengileg inn á heimasíðu Umhverfisráðuneytisins og rætt var um á Umhverfisþinginu.

1.  Bréf til Íslenska Gámafélagsins

Heiða greinir frá bréfi sem formaður sendi til Íslenska Gámafélagsins, skv. ákvörðun síðasta fundar, dags. 23. febrúar 2011 um fyrirkomulag og kostnaðaráætlun vegna hreinsunarvikna í sveitum Skaftárhrepps.  Ekki hafa borist svör frá Íslenska Gámafélaginu önnur en þau að hugmyndir Umhverfis- og náttúruverndarnefndar séu í ákveðnu ferli.  Hefur formaður reynt að hnikkja á svörum en það hefur ekki skilað árangri enn sem komið er.

1. Umgengni og ástand á áningastöðum ferðamanna í Skaftárhreppi.

Kári vekur athygli á slæmu ástandi á áningarstöðum ferðamanna í Eldhrauni og víðar.  Víða er orðin landeyðing og skemmd á áður mosavöxnum svæðum vegna átroðnings manna, úrbóta er þörf á útsýnispöllum og víða væri þörf á salernisaðstöðu.  Friður og frumkraftar, Vatnajökulsþjóðagarður  og Ferðamálafélag Skaftárhrepps eru að fara í samstarfsverkefni til að reyna að spyrna við fótum.  Umhverfis- og náttúruverndarnefnd hefur fullan hug á að ganga inn í það verkefni.  Kári tekur að sér að ræða hugsanlega þátttöku nefndarinnar við þá aðila sem við á. 

Vill nefndin koma ábendingu til sveitarstjórnar um að nauðsyn sé að hefta útbreiðslu á ágengum og eitruðum plöntutegundum í sveitarfélaginu, s.s. Bjarnarklóar, Kerfils og Lúpínu. 

1. Innsend bréf til kynningar:

Bréf frá Umhverfisstofnun, dags. 11. október 2011, um ársfund Umhverfisstofnunar og náttúruverndarnefnda sveitarfélaga sem að þessu sinni verður haldinn í Mosfellsbæ þann 27. október n.k. 

Bréf frá Umhverfisstofnun, dags. 18. október 2011,  um tilnefningu fulltrúa í vatnasvæðisnefnd.

Erindi send áfram til nefndarmanna.

1. Umræða um Umhverfisverðlaun Skaftárhrepps.

Nefndarfólk ætlar að kasta á milli sín hugmyndum um hvernig æskilegast verður að standa að veitingu umhverfisverðlauna Skaftárhrepps árið 2011. 

Formanni falið að ræða við formann Íþrótta- og Æskulýðsnefndar um samstarf við afhendingu eins og verið hefur undanfarin ár og tímasetningu verðlaunaafhendingar. 

1. Önnur mál:

Kári vinnur nú að gerð Ástandsskýrslu fyrir friðlýst svæði, sem unnin er árlega fyrir Umhverfisstofnun.  Að þessu sinni fjallar skýrslan um Dverghamra, Kirkjugólf og Álftaversgíga.

Umhverfis- og náttúruverndarnefnd Skaftárhrepps vill að endingu koma ánægju sinni og einlægu þakklæti á framfæri til allra þeirra sem komu að hreinsunarstörfum og stuðningi við samfélag Skaftárhrepps í kjölfar eldgossins í Grímsvötnum 21. maí s.l. 

Fleira ekki tekið fyrir.  Fundi slitið kl. 18:00

Fundur í umhverfis- og náttúruverndarnefnd miðvikudaginn 17. nóvember 2010 kl. 20:30 í fundarherbergi Skaftárhrepps.

Mættir:  Ragnheiður Hlín Símonardóttir formaður, Bryndís Guðgeirsdóttir, Kári Kristjánsson og Eygló Kristjánsdóttir sveitarstjóri, sem ritaði fundargerð.

Formaður setti fund og bauð fundarmenn velkomna.

Fundargerð rituð í tölvu og er 2 blaðsíður að stærð. 

• 1. Kosning ritara og varaformanns.
  Varaformaður, Kári Kristjánsson
  Ritari, Bryndís Guðgeirsdóttir.
  
• 2. Umræða um fjárhagsáætlun 2011.
  Nefndin leggur til að fjármunum verði veitt til sláttar og hirðingar á opnum svæðum en þó hugsanlega mætti endurskoða fyrirkomulag vinnunnar. Mikilvægt sé að gera starfslýsingu fyrir starfið. Nefndin mælist til þess að sveitarstjórn haldi málefnum refa- og minkaeyðingar vakandi og haldi fjármunum í þeim málaflokki.
  
  
• 3. Umhverfisverðlaun Skaftárhrepps.
  Rætt var um fyrirkomulag á veitingu verðlaunanna. Veitt verði ein verðlaun þetta árið og mun nefndin sjálf tilnefna verðlaunahafa. Verðlaunin verði veitt á Þorláksmessu. Á næsta ári verði stefnt að því að veita umhverfisverðlaunin fyrr á árinu, hugsanlega í tengslum við uppskeruhátíð. Helsta ástæða breytingarinnar er að fólk hafi tækifæri til að sjá fyrir hvað er verið að veita verðlaun, að gróður sé ekki kominn í dvala og að verðlaunaafhendingin falli ekki inn í jólaamstur.
  
  
• 4. Innsend bréf.
  Boð á ársfund umhverfisstofnunar og náttúruverndarnefnda sveitarfélaga 2010.
  Bréf frá UMÍS ehf Environice um kynningu á ráðgjöf til sveitarfélaga, stjórnvalda og fyrirtækja um umhverfismál og sjálfbæra þróun.
  
  
• 5. Önnur mál.
  Blómabeð Kvenfélagsins Hvatar, leiðinlegt að sjá að þau fallegu blóm sem þar voru sett niður hefðu hálf drukknað í arfa í sumar.

Rætt var um hreinsunardag að vori athugum hvernig best væri að haga því.
Hugmynd kom upp um að setja gáma fyrir járn og timbur úti í sveitunum.  Þeir gætu verið í einhvern áhveðinn tíma til að mynda viku í senn.  Heiða ætlar að skoða hvernig hægt er að hafa fyrirkomulag á þessu og athuga kostnað.
Kári leggur fram auglýsingu frá Ferðamálastofu þar sem auglýst er eftir umsóknum um styrki til úrbóta á ferðamannastöðum.  Umsóknarfrestur er til 20. desember 2010.  Nefndarmenn ætla að kasta á milli sín hugmyndum að verkefnum sem hægt væri að sækja um styrk í. 
Stiklað á stóru í lögum um Náttúruvernd og skoðað hvert hlutverk nefndarinnar er , sem er fjölþætt.

Fleira ekki gert og fundi slitið kl. 22:30