Lang■rß­ar lˇ­ir og ljˇslei­ari
13.05.2020
| LM
Það var margt á dagskrá fundar sveitarstjórnar Skaftárhrepps 13. maí 2020. Þar eru erfiðir tímar þegar stærsta atvinnugreinin, ferðaþjónusta, er nánast stopp. Sveitarstjórn bregst við atvinnuleysi með því að ráða fleira fólk til vinnu í sumar og verður haldið áfram að snyrta þorpið og sveitina, leggja göngustíga og margt fleira.

Á fundinum kom fram að margir matvælaframleiðendur eru í Skaftárhreppi og voru verslanir, mötuneyti og veitingastaðir hvattir til að skoða samstarf við framleiðendur til að bæta hag framleiðslufyrirtækjanna og hvetja þannig til atvinnu- og nýsköpunar.

En þrátt fyrir erfiða tíma er margt jákvætt að gerast. Rarik hyggst leggja þriggja fasa rafmagn í jörð í Meðallandi en þar hafa oft bilað línur og slegið út rafmagni í langan tíma, oftast vegna ísingar. Sveitarfélagið mun sækja um í Ísland ljóstengt um lagningu ljósleiðara í Meðallandið í sömu framkvæmd. Mikil samlegðaráhrif eru af því að fá að fylgja framkvæmd Rarik með stofnlögn ljósleiðarans sem er um 40 km. Þegar þessu verður lokið verða nánast styrkhæfir staðir í Skaftárhreppi samkvæmt skilmálum Ísland ljóstengt komnir með góða tengingu.

Skaftáhreppur hefur átt í viðræðum við ríkið um að byggja á lóðum í eigu ríkisins á Kirkjubæjarklaustri. Þrátt fyrir að þeim viðræðum sé ekki lokið hefur ríkið gefið sveitarfélaginu heimild til að úthluta lóðum í samræmi við nýtt deiliskipulag þegar það hefur tekið gildi. Skipulagsnefnd mun nú ráðast í að útbúa drög að reglum um úthlutun lóðanna fyrir sveitarstjórn.

Hamingjulestin er sameiginlegt verkefni sveitarfélag á Suðurlandi og var óskað eftir tilnefningu hamingjuráðherra frá Skaftárhreppi. Sveitarstjórn Skaftárhrepps samþykkti samhljóða að tilnefna Unni Einarsdóttur Blandon, starfsmann Kirkjubæjarskóla og umsjónarmann félagsmiðstöðvarinnar Klaustursins, hamingjuráðherra Skaftárhrepps. Óskum við henni góðs gengis í því starfi og vonum að sem flestir leggi hönd á plóg við að auka hamingjuna í okkkar sveit.

Myndina tók Kristín Lárusdóttir á Syðri-Fljótum

Upptaka 444. fundar sveitarstjórnar Skaftárhrepps er HÉR fundargerðin HÉR

Beðist er velvirðingar á að vefslóð hafi ekki virkað strax í upphafi fundar.

Hr. Mosi / Mr. Moss
Skaftßrhreppur til framtÝ­ar
Sorphir­a og flokkun
Persˇnuverndarfulltr˙i og persˇnuverndarstefna

Samkvæmt lögum um persónuvernd nr. 90/2018 ber öllum...

Lesa

Laus st÷rf Ý Skaftßrhreppi

Hvar vilt þú vinna?

 

 

 

 

...

Lesa
G÷tukort