Ůekkingarsetur Ý Skaftßrhreppi.
10.04.2019

 

Á síðustu tíu árum hefur á vettvangi Kirkjubæjarstofu,  Skaftárhrepps og annarra áhugasamra aðila  verið unnið að því að koma  á fót Þekkingarsetri á Kirkjubæjarklaustri.  Á árinu 2016 varð endanlega ljóst að gestastofa Vatnajökulsþjóðgarðs yrði ekki  hluti af þekkingarsetri á Kirkjubæjarklaustri. Breytt staðsetning gestastofunnar, á Sönghól sunnan Skaftár, samræmist ekki  þörfum hagaðila að uppbyggingu þekkingarseturs, þar með talið Erróseturs. Hugmyndin um húsnæði fyrir „Þekkingarsetur" var  þess vegna endurvakin  á  nýjum forsendum.

Það voru því mikil gleðitíðindi  þegar  okkur aðstandendum styrkumsóknar  til Byggðaáætlunar fyrir árin 2018-2024 (aðgerð C1)  bárust svohljóðandi jákvæð svör við styrkumsókn  með SASS:

 Þekkingarsetur í Skaftárhreppi. Samtök sunnlenskra sveitarfélaga fá styrk til að undirbúa hönnun á þekkingarsetri á heimavist Kirkjubæjarskóla. Breyta á heimavistarálmu, ljúka hönnun og gera útboðsgögn fyrir nýbyggingu Erróseturs. Verkefnið er styrkt um 17.500.000 kr. á árinu 2019 og um 25.000.000 kr. árlega árin 2020-2021, samtals kr. 67.500.000 kr.

Verkefnið er samstarfsverkefni Skaftárhrepps, Kirkjubæjarstofu og félags um Errósetur og er unnið  í framhaldi af þarfagreiningu  og endurskipulagningu Eflu verkfræðistofu á húsnæði Kirkjubæjarskóla með það að markmiði að breyta heimavistarálmunni í húsnæði fyrir Kirkjubæjarstofu  og  fyrir starfsemi stofnanna og félaga sem nú hafa ófullnægjandi starfsaðstöðu í húsi Kirkjubæjarstofu að Klausturvegi  2. Skaftárhreppur mun  einnig flytja stjórnsýslu  sína í  þekkingarsetrið.  Fyrirhuguð starfsemi ofangreindra aðila í „Þekkingarsetri í Skaftárhreppi"  verður öflugur samstarfsvettvangur Kirkjubæjarstofu, Erróseturs, sveitarfélagsins og margra aðila sem starfa munu að rannsóknum, fræðslu, listsköpun og menningu og stuðla að eflingu búsetu og atvinnulífs, meðal annars með því að fjölga störfum fyrir háskólamenntað fólk  í sveitarfélaginu og skapa með því frjótt umhverfi fyrir nýsköpun og nýjar hugmyndir í framtíðinni.

10.04.2019

ÓJ / þhb

 

 

 

 

Hr. Mosi / Mr. Moss
Skaftßrhreppur til framtÝ­ar
Sorphir­a og flokkun
Persˇnuverndarfulltr˙i og persˇnuverndarstefna

Samkvæmt lögum um persónuvernd nr. 90/2018 ber öllum...

Lesa

Laus st÷rf Ý Skaftßrhreppi

Hvar vilt þú vinna?


Lesa

G÷tukort