Gjafir til heilsugŠslunnar ß KirkjubŠjarklaustri
14.12.2017

Heilsugæslustöð HSU á Kirkjubæjarklaustri á góða velunnara sem hafa fært stöðinni gjafir á árinu sem er að líða.

Kvenfélagið Hvöt færði heilsugæslunni friðarpípu fyrir börn og var það Sólveig Pálsdóttir formaður kvenfélagsins sem afhenti gjöfina fyrir hönd síns félags.

Kvenfélag Kirkjubæjarhrepps færði heilsugæslunni fósturhjartsláttartæki og hún Karítas Kristjánsdóttir formaður kvenfélagsins kom og færði heilsugæslunni gjöfina fyrir hönd sinna félagsmanna.

Styrktarsamtök heilsugæslunnar á Kirkjubæjarklaustri gáfu heilsugæslunni notað sónartæki, ný saumaáhöld og lífsmarkamæli.  Um þessar mundir er verið að vinna að langþráðum og miklum endurbótum á húsnæði heilsugæslunnar og hafa Styrktarsamtökin heitið því að endurnýja ýmsan tækjabúnað í kjölfar endurbótanna og að gefa fé í ýmsar lagfæringar á aðstöðunni innanhús.

Allar þessar gjafir koma svo sannarlega að góðum notum og það er ómetanlegt fyrir starfsfólkið að finna þann góða hug sem allir þessir styrktaraðilar hafa til heilsugæslunnar og þess góða starfs sem þar er unnið.

Vert er að minna á, að minningarkort til styrktar Styrktarsamtökum Heilsugæslu HSU á Kirkjubæjarklaustri er hægt að nálgast á heimasíðu HSU, www.hsu.is - HÉR og þar er val um styrktarupphæð.

Sjá frétt á vefsíðu HSU

 

Skaftßrhreppur til framtÝ­ar

Samtal við íbúa Skaftárhrepps á...

Lesa

Sorphir­a og flokkun
Hva­ er Fri­ur og frumkraftar?
Laus st÷rf Ý Skaftßrhreppi
G÷tukort