M÷guleikh˙si­ sřnir Eldbarni­
05.02.2015

Möguleikhúsið býður félögum í Skaftfellingafélaginu á leiksýninguna

ELDBARNIÐ

hamfaraleikrit fyrir börn og fullorðna

 

Í TJARNARBÍÓI SUNNUDAGINN 8. FEBRÚAR KL. 14:00

 Hvernig bregst lítil stúlka við þegar veröldin umturnast vegna ógnvænlegra náttúruhamfara?


Sólveig er söguhetjan í þessu nýja leikriti Möguleikhússins. Eftir gríðarlega jarðskjálfta verður stórt eldgos og skömmu seinna steypist hraunstraumur ofan af hálendinu. Sólveig og móðir hennar verða að flýja upp í fjallshlíð, þaðan sem þær horfa á bæinn sinn fara undir hraun. Við tekur ný og gjörbreytt tilvera, flótti og leit að húsaskjóli. Sólveig lendir í ævintýralegum aðstæðum sem hljóma fjarstæðukenndar fyrir íslensk börnum í dag en voru raunverulegar á þessum tímum.

Hér heldur Möguleikhúsið áfram umfjöllun um mannlíf í kjölfar Skaftárelda og Móðuharðinda, en síðasta vetur frumsýndi það einleikinn Eldklerkinn sem hlaut afburðagóðar viðtökur. Að þessu sinni eru atburðirnir skoðaðir frá sjónarhóli ungrar stúlku í nýju leikriti sem ætlað er áhorfendum frá 9 ára aldri.

Þar sem Skaftfellingafélagið hefur af rausnarskap leyft Möguleikhúsinu að nýta sal Skaftfellingabúðar til æfinga viljum við í þakkarskyni bjóða félagsmönnum á sýningu á Eldbarninu í Tjarnarbíói sunnudaginn  8. febrúar kl. 14:00. Til að nýta sér boðið þarf aðeins að hafa samband við miðasölu Tjarnarbíós á midasala@tjarnarbio.is eða í s. 527 2100 fyrir fimmtudaginn 5. febrúar og panta miða, en hver félagi getur fengið 2 miða meðan húsrúm leyfir. Þeim sem ekki geta nýtt sér boðið 8. febrúar gefst kostur á að fá miða með 20% afslætti á aðrar sýningar á Eldbarninu gegnum miðasölu Tjarnarbíós.

Hr. Mosi / Mr. Moss
Skaftßrhreppur til framtÝ­ar
Sorphir­a og flokkun
Persˇnuverndarfulltr˙i og persˇnuverndarstefna

Samkvæmt lögum um persónuvernd nr. 90/2018 ber öllum...

Lesa

Laus st÷rf Ý Skaftßrhreppi

Hvar vilt þú vinna?


Lesa

G÷tukort