Nřr starfsma­ur Vatnaj÷kuls■jˇ­gar­s.
05.01.2015

Vatnajökulsþjóðgarður hefur ráðið Orra Pál Jóhannsson sem sérfræðing og aðstoðarmann þjóðgarðsvarðar á vestursvæði Vatnajökulsþjóðgarðs.  Orri Páll var valinn úr hópi 26 umsækjenda. 

 

Orri Páll hefur lokið búfræðiprófi frá Hvanneyri, grunndiplómu í ferðamálafræði frá Háskóla Íslands, BSc-gráðu í umhverfisfræðum frá Nova Scotia Agricultural College, BSc-gráðu í vistfræði og umhverfisvernd frá Universitetet for miljø og biovitenskap (UMB) í Ási, Noregi, og er að ljúka MA-gráðu í umhverfissiðfræði við Háskóla Íslands.  Orri Páll á einnig fjölbreytilegan starfsferil að baki. Hann hefur starfað sem ritstjóri búnaðarritsins Freys, sem umsjónar- og –dönskukennari hjá Hólabrekkuskóla, verkefnisstjóri atvinnutengds náms hjá Vinnuskóla Reykjavíkur og um fimm ára skeið sem verkefnisstjóri Skóla á grænni grein (Grænfánaverkefnisins) hjá Landvernd.  Þá hefur Orri Páll starfað sem leiðsögumaður og sem landvörður til margra ára í þjóðgarðinum á Þingvöllum og í Vatnajökulsþjóðgarði. Haustið 2012 sinnti Orri Páll afleysingu aðstorðarmanns þjóðgarðsvarðar á austursvæði Vatnajökulsþjóðgarðs og vann þar einnig sem lausráðinn sérfræðingur fyrri hluta árs 2013.

 

 

Orri Páll á ættir að rekja í Álftaver og Meðalland. Hann varði nær öllum sumrum í barnæsku og fram á unglingsár á Bakkakoti í Meðallandi og þekkir því vel til staðhátta og mannlífs í Skaftárhreppi. Orri Páll hefur störf í byrjun marsmánaðar 2015. Við bjóðum hann velkominn til starfa. 

Hr. Mosi / Mr. Moss
Skaftßrhreppur til framtÝ­ar
Sorphir­a og flokkun
Persˇnuverndarfulltr˙i og persˇnuverndarstefna

Samkvæmt lögum um persónuvernd nr. 90/2018 ber öllum...

Lesa

Laus st÷rf Ý Skaftßrhreppi

Hvar vilt þú vinna?

 

 

 

 

...

Lesa
G÷tukort