Kammertˇnleikar tilnefndir til Eyrarrˇsar.
17.01.2014

Eyrarrósarlistinn 2014 birtur í fyrsta sinn

Eyrarrósarlistinn 2014 birtur í fyrsta sinn
Eyrarrósin 2014

 

 

 

Met­fjöldi umsókna er í ár til Eyr­ar­rós­ar­innar, við­ur­kenn­ingar til framúrsk­ar­andi menn­ing­ar­verk­efna á starfs­svæði Byggða­stofn­unar, en fjöru­tíu og sex fjöl­breytt verk­efni víða um land sóttu um. Eyr­ar­rósin beinir sjónum að og hvetur til menn­ing­ar­legrar fjöl­breytni, nýsköp­unar og upp­bygg­ingar á sviði menn­ingar og lista. Að verð­laun­unum standa Byggða­stofnun, Flug­fé­lag Íslands og Lista­há­tíð í Reykja­vík.

Sú nýbreytni er nú tekin upp á tíu ára afmæli Eyr­ar­rós­ar­innar að í stað þriggja til­nefndra verk­efna, er nú birtur Eyr­ar­rós­arlist­inn 2014, listi yfir tíu verk­efni sem mögu­leika eiga á því að hljóta Eyr­ar­rós­ina í ár.  Þann 23. janúar næst­kom­andi verður sagt frá því hvaða þrjú hljóta við­ur­kenn­ingu. Eitt þeirra hlýtur að lokum Eyr­ar­rós­ina, 1.650.000 krónur og flug­ferðir inn­an­lands frá Flug­fé­lagi Íslands en tvö verk­efni hljóta 300.000 króna við­ur­kenn­ingu og flug­ferðir frá Flug­fé­lagi Íslands.

Eyr­ar­rós­arlist­inn 2014 er:

  • Verksmiðjan Hjalteyri
  • Hammondhátíð Djúpavogs
  • Kammertónleikar á Kirkjubæjarklaustri
  • Skrímslasetrið
  • Tækniminjasafn Austurlands
  • Reitir
  • Áhöfnin á Húna
  • Bær
  • Kómedíuleikhúsið
  • Þjóðahátíð Vesturlands

Eyr­ar­rósin verður afhent með við­höfn laug­ar­dag­inn 15. febrúar næst­kom­andi í Menn­ing­ar­mið­stöð­inni Skaf­telli á Seyð­is­firði. Dor­rit Moussai­eff for­setafrú, vernd­ari Eyr­ar­rós­ar­innar, afhendir verð­launin að vanda.

Nánar um verkefnin:

Verk­smiðjan Hjalteyri

Verk­smiðjan á Hjalteyri, lista– og menn­ing­ar­mið­stöð, hóf starf­semi sína árið 2008 þegar hópur lista­manna á Norð­ur­landi stofn­aði félag með það að mark­miði að gang­setja á ný, með nýjum hætti, síld­ar­verk­smiðj­una á Hjalteyri við Eyja­fjörð. Verk­smiðjan á Hjalteyri hefur sér­stöðu hvað varðar stað­setn­ingu og hún stendur fyrir lif­andi menn­ing­ar­starf­semi við sér­stakar, nátt­úr­legar og sögu­legar aðstæður. Hún gerir lista­mönnum nær og fjær kleift að fram­leiða og sýna verk sín í óhefð­bundnu, skap­andi sýn­inga­rými um leið og hún gæðir lífi sögu­fræga og ein­staka bygg­ingu sem stóð auð og ónotuð í langan tíma. verksmidjan.blogspot.com

Hammond­há­tíð Djúpavogs

Hammond­há­tíðin hefur verið haldin árlega frá árinu 2006 og er nú stærsti menn­ing­ar­við­burður Djúpa­vogs. Meg­in­markmið hennar er að heiðra og kynna Hammondorg­elið og bjóða tón­list­ar­mönnum að leika listir sínar á það í þriggja daga dag­skrá þar sem org­elið er rauði þráð­ur­inn. List­inn yfir þá tón­list­ar­menn og hljóm­sveitir sem komið hafa fram á hátíð­inni í gegnum tíð­ina er orð­inn langur og glæsi­legur. Fjöl­margir aðrir við­burðir hafa sprottið upp í tengslum við hátíð­ina einkum í tengslum við hand­verk og hönnun. Hammond­há­tíð 2014 verður sett á Djúpa­vogi sum­ar­dag­inn fyrsta, þann 24. apríl.  hammond.djupivogur.is

Kammer­tón­leikar á Kirkjubæjarklaustri

Kammer­tón­leikar á Kirkju­bæj­arklaustri er árleg söng­há­tíð sem haldin verður í tutt­ug­asta og fjórða sinn dag­ana 27. – 29. júní í sumar. Á hátíð­inni kemur saman tón­listar­fólk víða af land­inu og er hún ómiss­andi vett­vangur bæði fyrir heima­menn og ferða­menn í Skaft­ár­hreppi sem fá tæki­færi til að njóta lif­andi flutn­ings klass­ískrar tón­listar lista­manna í fremstu röð. Hátíðin leggur jafn­framt rækt við tón­list­ar­upp­eldi yngstu kyn­slóð­ar­innar með tón­list­arsmiðju fyrir börn.  www.kammertonleikar.is

Skrímsla­setrið

Skrímsla­setrið á Bíldu­dal er byggt upp af brott­fluttum Arn­firð­ingum í Reykja­vík og heima­mönnum á Bíldu­dal. Þar er haldið utan um þann þátt þjóð­ar­arfs Íslend­inga sem skrímsla­sögur eru. Setrið er byggt á rann­sókn­ar­vinnu Þor­valdar Frið­riks­sonar frétta­manns, en hann hefur safnað yfir fjögur þús­und frá­sögnum um sam­skipti Íslend­inga við sjó­skrímsli. Í Skrímsla­setr­inu eru sög­urnar sýndar á lif­andi hátt með nútíma­tækni. Verk­efnið hefur laðað til sín fjölda ferða­manna og gert Bíldu­dal að enn áhuga­verð­ari stað að heim­sækja. www.skrimsli.is

Tækni­m­inja­safn Austurlands

Tækni­m­inja­safn Aust­ur­lands er í sex gömlum húsum á svo­kall­aðri Wat­hnestorfu á Seyð­is­firði. Þar er öfl­ugt sýn­inga­hald auk hinnar árlegu Smiðju­há­tíðar að sumri. Safnið starfar enn­fremur sem byggða­safn um sögu Seyð­is­fjarðar og hefur upp­bygg­ing svæð­is­ins skapað aðlað­andi úti­vist­ar­svæði sem til­valið er fyrir göngu­ferðir og sam­veru í fræð­andi umhverfi.www.tekmus.is

Reitir

Frá árinu 2012 hefur verk­efnið Reitir boðið árlega um þrjá­tíu lista­mönnum víðs vegar að úr heim­inum til Siglu­fjarðar til að taka þátt í til­rauna­kenndri nálgun við hina hefð­bundnu listsmiðju. Fjöl­breytt reynsla og ólíkur bak­grunnur þátt­tak­enda verður þar upp­spretta nýstár­legra verka sem á einn eða annan hátt fjalla um Siglu­fjörð. Með virkri þátt­töku íbúa hefur á stuttum tíma orðið til grunnur að þverfag­legu tengslaneti og skap­andi alþjóða­sam­starfi sem veitt hefur bæj­ar­búum nýja sýn á umhverfi sitt.www.reitir.com

Áhöfnin á Húna

Áhöfnin á Húna er sam­starfs­verk­efni tólist­ar­manna og Holl­vina Húna II. Áhöfnin á Húna vakti mikla athygli síð­ast­liðið sumar þegar Húni II sigldi hring­inn í kringum landið. Haldnir voru 16 tón­leikar í sjáv­ar­byggðum lands­ins. Rík­is­út­varpið fylgdi sigl­ing­unni eftir með beinum útsend­ingum frá tón­leikum áhafn­ar­innar sem og sjón­varps– og útvarps­þátta­gerð þar sem lands­mönnum öllum gafst tæki­færi til að fylgj­ast með ævin­týrum áhafn­ar­innar. Húni II hefur á und­an­förnum árum vakið athygli fyrir áhuga­vert starf í menn­ing­ar­tengdri ferða­þjón­ustu og er sam­starf hans við tón­listar­fólkið í Áhöfn­inni á Húna liður í að efla það enn frekar.

Bær

Í lista­setr­inu Bæ á Höfða­strönd í Skaga­firði hefur verið byggð upp ein­stök aðstaða fyrir inn­lenda og erlenda sjón­lista­menn og arki­tekta til list­sköp­unar. Í end­ur­byggðum bragga, úti­húsum og íbúð­ar­húsi dvelja smáir hópar alþjóð­legra lista­manna yfir sum­ar­tím­ann sem oftar en ekki mynda sterk tengsl við umhverfið og nærsam­fé­lagið meðan á dvöl þeirra stendur. Tvisvar á sumri eru haldnar vinnu­stofu­sýn­ingar á verkum þeirra, en auk þeirra eru í Bæ reglu­legir tón­leikar og einkasýningar. www.baer.is

Kómedíu­leik­húsið

Kómedíu­leik­húsið er fyrsta atvinnu­leik­húsið á Vest­fjörðum og hefur á und­an­förnum sex­tán árum sett á svið um fjöru­tíu leik­verk sem öll byggja á vest­firsku efni, sögu og menn­ingu. Leik­húsið sýnir verk sín um land allt og stendur að útgáfu hljóð­bóka. Kómedíu­leik­húsið ein­beitir sér að ein­leikja­form­inu og stendur árlega fyrir hinni kómísku ein­leikja­há­tíð Act alone sem vakið hefur athygli hér heima og erlendis. www.komedia.is 

Þjóða­há­tíð Vesturlands

Á Þjóða­há­tíð Vest­ur­lands, sem Félag nýrra Íslend­inga stendur að, gefst gestum tæki­færi til að njóta fjöl­breyttrar menn­ingar– og skemmti­dag­skrár, bragða á góm­sætum réttum frá mörgum löndum og þiggja alls kyns fróð­leik og upp­lýs­ingar um menn­ingu og þjóðir þeirra sem taka þátt. Þjóða­há­tíð er orð­inn fastur liður í dag­skrá Vöku­daga á Akra­nesi og Borg­ar­nesi og laðar að sér mik­inn fjölda gesta á hverju ári, enda er mik­ill metn­aður lagður í fram­kvæmd hennar í góðu sam­starfi við skóla, félaga­sam­tök og íbúa á svæðinu.

 

Af vef Byggðastofnunar

http://www.byggdastofnun.is/is/frettir/eyrarrosarlistinn-2014-birtur-i-fyrsta-sinn

Hr. Mosi / Mr. Moss
Skaftßrhreppur til framtÝ­ar
Sorphir­a og flokkun
Persˇnuverndarfulltr˙i og persˇnuverndarstefna

Samkvæmt lögum um persónuvernd nr. 90/2018 ber öllum...

Lesa

Laus st÷rf Ý Skaftßrhreppi

Hvar vilt þú vinna?


Lesa

G÷tukort