Nßmskei­ hjß K÷tlu jar­vangi.
14.08.2013

Í vetur mun Katla jarðvangur standa fyrir fjölbreyttum námskeiðum um náttúru,  menningu, þjónustu og margt fleira. Verð á námskeiðunum verður stillt í hóf auk þess sem afsláttur verður veittur þeim sem sækja fleira en þrjú námskeið í námskeiðaröðinni. Námskeiðin verða flest  haldin í fjarfundarbúnaði en nokkur þeirra krefjast þess að þátttakendur mæti saman á einn stað og verður það á ýmsum stöðum innan jarðvangsins.

Hildur Hákonardóttir höfundur bókarinnar Ætigarðurinn ríður á vaðið og fjallar um ræktun og nýtingu villtra og hálfvilltra plantna í náttúru Íslands.

Fimmtudaginn 29. ágúst klukkan 20:30 til 22:00 verður fyrirlestur í fjarfundabúnaði (sent frá Selfossi og sent út á Kirkjubæjarklaustri, Hvolsvelli og Vík). Fyrirlestrinum mun Hildur skipta í tvennt - fyrri helmingurinn er helgaður alþjóðlega eldhúsgarðsdeginum sem haldinn er 4ða sunnudaginn í ágúst. Hún mun fjalla um íslenskar og erlendar aðstæður til ræktunar. Nú er rétti tíminn til að undirbúa garðinn fyrir næsta vor. Í seinni hlutanum fjallar hún um plöntur í náttúru landsins sem sumar eru villtar og aðrar hálfvilltar og mátt þeirra og getu til að gera líf okkar betra og léttara.

Laugardaginn 31. ágúst klukkan 10:00 til 16:00 verður námskeiðið á Kirkjubæjarklaustri og skiptist sá dagur upp í inni- og útiveru. Um morguninn er mæting við Kirkjubæjarskóla þar sem gengið er um næsta nágrenni Klausturs og náttúran gaumgæfð - litast um eftir nýtilegum plöntum og safnað í sarp. Við fræðumst almennt um lækningajurtir og hver sé munurinn á lækningajurtum, kryddjurtum og matplöntum. Eftir hádegi verður sýnt hvernig má gera einfaldar nuddolíur, smyrsl og mixtúrur og fer það fram í eldhúsi Kirkjubæjarskóla. Í lokin verður lítil máltíð þar sem villtu plönturnar og heimafengin matföng leika eins stór hlutverk og náttúran á Klaustri bíður upp á.

Verð á námskeiðinu er 5000 kr, athugið takmarkaðan þátttökufjölda.

Nánari upplýsingar og skráning í síma 8570634 (Rannveig) eða á netföngin rannveig@katlageopark.is eða jonabjork@katlageopark.is

Katla jarðvangur

Hr. Mosi / Mr. Moss
Skaftßrhreppur til framtÝ­ar
Sorphir­a og flokkun
Persˇnuverndarfulltr˙i og persˇnuverndarstefna

Samkvæmt lögum um persónuvernd nr. 90/2018 ber öllum...

Lesa

Laus st÷rf Ý Skaftßrhreppi

Hvar vilt þú vinna?

 

 

 

 

...

Lesa
G÷tukort