Eldmessuganga ß KirkjubŠjarklaustri, 20. j˙lÝ 2013
18.07.2013

 

Minningarorð í kapellunni á Kirkjubæjarklaustri kl. 14:00

Gengið frá kapellunni að Systrastapa um kl. 14:30

Stuttmyndin Eldmessan sýnd og kaffiveitingar í

Skaftárstofu í lok göngunnar um kl. 16:00

 

Laugardaginn 20. júlí 2013  verða liðin 230 ár frá því að sr. Jón Steingrímsson  prestur á Prestsbakka á Síðu messaði í kirkjunni á Kirkjubæjarklaustri og söng þar hina frægu Eldmessu  sem talin er hafa stöðvað hraunstrauminn sem þá ógnaði byggðinni á Klaustri í Skaftáreldum.

Til minningar um þennan atburð efna Kirkjubæjarstofa og Katla jarðvangur til Eldmessugöngu laugardaginn 20. júlí kl. 14.00.

Gangan hefst  við  Minningarkapellu sr Jóns Steingrímssonar á Kirkjubæjarklaustri. Þar mun sr. Haraldur M Kristjánsson sóknarprestur í Víkurprestakalli fylgja göngunni úr hlaði með minningarorðum um Eldmessuna og Eldprestinn sr Jón Steingrímsson.

Gengið verður að Systrastapa en þangað  gekk sr. Jón með söfnuði sínum eftir messuna. Þar blasir Eldmessutanginn  við augum en svo nefnist hrauntanginn sem þá ógnaði byggðinni á Klaustri. Við Systrastapa mun Jón Helgason  í Seglbúðum flytja ávarp í tilefni dagsins.

Við þetta tækifæri verður nýtt fræðsluskilti  Kirkjubæjarstofu og Kötlu jarðvangs um Eldmessuna afhjúpað við gönguleiðina að Systrastapa. Gerð fræðsluskiltisins er styrkt af Menningarráði Suðurlands.

Gengið er til baka sömu leið og að lokinni göngunni er þátttakendum boðið að sjá stuttmyndina Eldmessan í Skaftárstofu/félagsheimilinu Kirkjuhvoli  og þiggja kaffiveitingar.

 

Kirkjubæjarstofa og Katla  jarðvangur

Hr. Mosi / Mr. Moss
Skaftßrhreppur til framtÝ­ar
Sorphir­a og flokkun
Persˇnuverndarfulltr˙i og persˇnuverndarstefna

Samkvæmt lögum um persónuvernd nr. 90/2018 ber öllum...

Lesa

Laus st÷rf Ý Skaftßrhreppi

Hvar vilt þú vinna?


Lesa

G÷tukort