Styrkja bj÷rgunarsveit eftir leit a­ konu Ý Eldgjß
11.09.2012
  

Kynnisferðir og Reykjavík Excursions afhentu björgunarsveitinni Stjörnunni í Skaftártungu nýverið styrk að upphæð 300 þúsund krónur til stuðnings byggingu húsnæðis undir starfsemi sveitarinnar.

Með fjárhagsstuðningnum vildu gefendur sýna björgunarsveitinni þakklæti fyrir umfangsmikla þátttöku í leit nýverið að farþega í rútu Kynnisferða við Eldgjá í Skaftártungu, sem síðar kom á daginn að reyndist óþörf, segir í tilkynningu.

„Mannleg mistök urðu til þess að umfangsmikil leit var gerð að erlendri konu sem var farþegi í rútu Kynnisferða við Eldgjá í Skaftártungu 26. ágúst. Leitinni var hætt þegar í ljós kom að konan var ekki týnd. Í ljós kom að konan hafði skipt um föt og bar bílstjórinn ekki á kennsl á hana aftur þegar talið var á ný í rútuna. Alls tóku um fimmtíu manns þátt í leitinni og báru björgunarsveitarmenn Stjörnunnar hita og þunga af leitinni,“ segir í tilkynningu.

Auk Stjörnunnar komu fimm aðrar björgunarsveitir að leitinni í Eldgjá; Kyndill á Kirkjubæjarklaustri, Lífgjöf í Álftaveri, Víkverji í Vík auk Dagrenningar á Hvolsvelli og Flugbjörgunarsveitarinnar á Hellu.

frétt af www.mbl.is

Hr. Mosi / Mr. Moss
Skaftßrhreppur til framtÝ­ar
Sorphir­a og flokkun
Persˇnuverndarfulltr˙i og persˇnuverndarstefna

Samkvæmt lögum um persónuvernd nr. 90/2018 ber öllum...

Lesa

Laus st÷rf Ý Skaftßrhreppi

Hvar vilt þú vinna?


Lesa

G÷tukort