Auglřsing um skipulagsmßl Ý Skaftßrhreppi
30.04.2012

Í samræmi við 1.mgr. 41. gr. skipulagslaga nr. 123/2010, er hér með auglýst eftir athugasemdum við eftirfarandi skipulagstillögur:

 

Tillaga að deiliskipulagi fyrir Nunnuklaustrið á Kirkjubæ.

Deiliskipulagssvæðið er samtals um 2ha. Svæðið afmarkast af Skriðuvöllum, Klausturvegi, dvalarheimilinu Klausturhólum og Túngötu. Markmið deiliskipulagsins er m.a.að útbúa áningarstað með fræðslu um nunnuklaustrið á Kirkjubæjarklaustri, bæta umhverfi og aðstöðu fyrir gesti kapellunnar og ferðamenn, tryggja aðgengi fyrir alla á skipulagssvæðinu og auka virðingu fyrir menningarminjum á staðnum.

 

Tillaga að deiliskipulagi fyrir fiskeldi í landi Botna

Deiliskipulagssvæðið nær yfir um 12ha úr landi Botna með aðkomu um Botnaveg. Gert er ráð fyrir yfirbyggingu fiskeldis og byggingu nýrrar rafstöðvar. Tegund eldisfisks er bleikja og er fyrirhuguð framleiðslugeta lífmassa um 19 tonn.

 

 

Tillögurnar liggja frammi hjá skipulags- og byggingarfulltrúa Skaftárhrepps, Klausturvegi 15, 880 Kirkjubæjarklaustri, og á heimasíðu Skaftárhrepps www.klaustur.is. frá 26. apríl til og með 7. júní n.k.

Athugasemdafrestur við tillögurnar er til kl 16:00, fimmtudaginn 7. júní 2012. Athugasemdum ef einhverjar eru skal skila skriflega á skrifstofu Skaftárhrepps, Klausturvegi 15, 880 Kirkjubæjarklaustri, fyrir lok ofangreinds frests. Þeir sem ekki gera athugasemdir við tillögurnar teljast samþykkir þeim.

 

Anton Kári Halldórsson

Skipulags- og byggingarfulltrúi

Skaftárhrepps

Hr. Mosi / Mr. Moss
Skaftßrhreppur til framtÝ­ar
Sorphir­a og flokkun
Persˇnuverndarfulltr˙i og persˇnuverndarstefna

Samkvæmt lögum um persónuvernd nr. 90/2018 ber öllum...

Lesa

Laus st÷rf Ý Skaftßrhreppi

Hvar vilt þú vinna?


Lesa

G÷tukort