Ůekkingarsetur ß KirkjubŠjarklaustri ß fjßrl÷gum 2012
08.12.2011

Þekkingarsetur á Kirkjubæjarklaustri  fær 30 m. kr. tímabundið framlag  til undirbúnings, þarfagreiningar og hönnunar á húsi fyrir þekkingarsetrið á  fjárlögum 2012 sem samþykkt voru á Alþingi  þann 7. desember 2011

Verkefnið „Þekkingarsetur á Kirkjubæjarklaustri“ miðar að því að sameina undir einu þaki fyrirhugaða

gestastofu vestursvæðis Vatnajökulsþjóðgarðs, starfsemi Kirkjubæjarstofu, upplýsinga- og þjónustumiðstöð Skaftárhrepps  og  fyrirhugað Errósetur – listamiðstöð. 

Aðrir aðilar sem  fá starfsaðstöðu á setrinu eru m.a: Búnaðarsamband Suðurlands og Landgræðsla ríkisins, Suðurlandsskógar, Háskóli Íslands, Katla – jarðvangur (Geopark), Atvinnuþróunarfélag Suðurlands og fl.

Verkefnið ,,Þekkingarsetur á Kirkjubæjarklaustri” er afurð vandaðrar stefnumótunarvinnu stjórnar Kirkjubæjarstofu sem mótað hefur framtíðarstefnu fyrir Kirkjubæjarstofu og árið 2010  birtist hún í greinargerðinni: „Kirkjubæjarstofa -  Þekkingarsetur á Kirkjubæjarklaustri“ sem Gísli Sverrir Árnason ráðgjafi vann fyrir Kirkjubæjarstofu.

Kirkjubæjarstofa og Skaftárhreppur hafa leitt verkefnið frá upphafi. Stofnaður var samstarfshópur margra stofnana, félaga og áhugaaðila um verkefnið. Samstarfshópurinn skilaði skýrslu til sveitarstjórnar Skaftárhrepps í júní 2010. Þá tók til starfa framkvæmdaráð samstarfshópsins sem unnið hefur að framgangi verkefnisins síðan og skilaði skýrslum í febrúar 2011 og í sept. 2011

 Á vormánuðum 2011 fékk framkvæmdaráðið til samstarfs Arkís arkitekta sem unnu frumtillögu að útliti og staðsetningu þekkingarsetursins. Ennfremur hefur sveitarstjórn Skaftárhrepps gengið frá samningi við landeigendur um lóð undir bygginguna á Kirkjubæjarklaustri.

Stjórnarformaður og forstöðumaður Kirkjubæjarstofu eiga sæti í verkefnisstjórn um Þekkingarsetrið, ásamt oddvita og sveitarstjóra Skaftárhrepps og fulltrúum Vatnajökulsþjóðgarðs og áhugahóps um Errósetur – listamiðstöð.  Margvísleg starfsemi Þekkingarsetursins mun verða öflugur stuðningur við innviði samfélagsins í Skaftárhreppi; efla listir og  menningu, skapa þekkingarstörf, gefa ferðaþjónustu meiri möguleika til heilsársstarfsemi á svæðinu og styrkta jafnframt landbúnað sem undirstöðuatvinnugrein sveitarfélagsins.

Hr. Mosi / Mr. Moss
Skaftßrhreppur til framtÝ­ar
Sorphir­a og flokkun
Persˇnuverndarfulltr˙i og persˇnuverndarstefna

Samkvæmt lögum um persónuvernd nr. 90/2018 ber öllum...

Lesa

Laus st÷rf Ý Skaftßrhreppi

Hvar vilt þú vinna?


Lesa

G÷tukort