UppskeruhßtÝ­ Ý Skaftßrhreppi 29.-31. oktˇber 2010
26.10.2010

 

Föstudagur 29. október

 

Um morguninn verður Kirkjubæjarskóli opinn gestum og gangandi frá kl. 10.00 til 12.00. Sýningar verða víða um skólabygginguna og kaffi á könnunni.

 

Systrakaffi opnar kl. 18.00. Þar verða pitsur á boðstólnum. Kaffihúsið verður opið fram eftir kvöldi.

 

Setningarhátíð í Kirkjuhvoli kl. 20.00

Ólafía Jakobsdóttir, forstöðumaður Kirkjubæjarstofu, setur hátíðina og flytur ávarp.

Opnuð verður myndlistarsýning þar sem sýnd verða verk eftir Hildigunni Jóhannesdóttur.

Handverksfólk úr Skaftárhreppi sýnir listaverk og verður sú sýning einnig opin á laugardeginum milli kl. 14 og 16.

 

Að setningarathöfninni í Kirkjuhvoli lokinni verður upptaktur hátíðarinnar sleginn á Hótel Kirkjubæjarklaustri, þar sem Lummósveit lýðveldisins leikur nokkur ljúflingslög af hjartans lyst. Hana skipa Brian R. Haroldsson, Guðmundur Óli Sigurgeirsson,  Finnur Bjarnason og Pála Katrín Pálmadóttir. Með sveitinni syngja stórsöngvararnir Gunnar Pétur Sigmarsson og Linda Agnarsdóttir. Hér er um einstakan atburð að ræða, sem enginn má missa af! Þá mun harmónikkusnillingurinn Flemming Viðar Valmundsson leika af fingrum fram. Flemming er aðeins fimmtán ára gamall en hefur þegar skapað sér nafn sem einn í hópi efnilegustu ungra harmónikkuleikara landsins. Á skemmtuninni býður Hótelið upp á kaffiveitingar, auk þess að hafa góða/n við afgreiðsluborðið, þar sem gestir geta að auki keypt það sem þar verður í boði en ekki fæst ókeypis.

Sjón verður þar sögu ríkari!

Í lok skemmtunarinnar bregður svo Lummósveitin á sig betri puttunum og leikur gömlu dansana af lífi og sál í klukkutíma eða svo, að því gefnu að dansgólfið verði nær fullt allan tímann. Því er það undir þér lesandi góður komið, hvort dansað verður í klukkutíma eða bara í korter!

 

Aðgangur er ókeypis og öllum heimill, þó þurfa börn og unglingar að vera í fylgd foreldra eða forráðafólks!

Áætlað er að skemmtuninni ljúki fyrir miðnætti!

 

 

Laugardagur 30. október – sýnum og sjáum

 

Hótel Laki - morgunkaffi

Húsið opnar kl. 9.30 þar sem boðið verður upp á rjúkandi morgunkaffi og með því fram til kl. 11.00. Staðahaldarar verða með staðarlýsingu.

 

Eystra-Hraun

Fjósið verður opið milli kl. 10.30 og 12.30. Þar gefst tækifæri til þess að skoða eitt af glæsilegustu fjósum hreppsins og þótt víðar væri leitað.

 

Geirland

Klukkan 12.30 verður farin gönguferð með leiðsögn frá Geirlandi og áhugaverðar minjar skoðaðar. Ferðin tekur um klukkustund og verður í lok ferðar borin fram kraftmikil kjötsúpa í boði Geirlands og Sláturfélags Suðurlands. Kjötsúpa er aldrei betri en eftir góðan göngutúr!

 

Mörk

Þar verður opið fjárhús á milli kl. 12.30 og 15.30. Kjörið að skoða fjárhúsið og fá svo kjötsúpu á eftir á Geirlandi.

 

Tjaldstæðið

Tjaldstæðið á Kirkjubæ verður opið á milli klukkan 14.30 og 16.30. Þá gefst kjörið tækifæri til þess að skoða þetta vinsæla tjaldstæði.

 

Kaffi Munkar

Í nýja kaffihúsinu á Klausturhlaðinu, sem mun hefja rekstur á næstu dögum, verður opið hús á milli kl. 13.00 og 17.00. Boðið upp á heimilislegar veitingar og allir hjartanlega velkomnir..

 

Handverksbúðin

Handverksbúðin sem staðsett er á Klausturhólum verður opin á milli kl. 13.00 og 16.00.

 

Kirkjuhvoll

Myndlistarsýning Hildigunnar Jóhannesdóttur og handverkssýningin verða opin  á milli kl. 14.00 og 16.00.

 

Söngfélag Skaftfellinga í Reykjavík

Öflugir Skaftfellingakórar verða með tónleika kl. 17.00 í Kirkjuhvoli. Skaftfellingakórarnir eru: Söngfélag Skaftfellinga í Reykjavík, Kirkjukór Prestsbakkakirkju og Ásakórinn. Kórunum er stjórnað af Friðriki Vigni Stefánssyni og Brian Roger Haroldssyni.  Undirleikari verður Vignir Þór Stefánsson. Einnig mun sópransöngkonan Jóna G. Kolbrúnsdóttir syngja nokkur einsöngslög.

Aðgangur ókeypis!

 

Hótel Klaustur

Þar verður uppskeruveisla sem hefst kl. 20.00. Boðið verður upp á þríréttaða veislumáltíð. Skaftfellingar og aðrir geta komið, átt góða stund saman og notið afurða Skaftárhrepps. Verð pr. mann er 4.500 kr. Nánari upplýsingar og borðpantanir á Hótel Klaustri,
s. 487-4900.

 

Vinsamlegast pantið borð fyrir fimmtudagskvöldið 28. október!

 

Sunnudagur 31. október – uppskerumessa og uppboð

 

Uppskeru- og þakkarmessa kl. 14.00 í Prestsbakkakirkju

Við þökkum fyrir uppskeru sumarsins og biðjum fyrir vetrinum. Séra Ingólfur Hartvigsson þjónar fyrir altari og prédikar. Ásakórinn, Kirkjukór Prestsbakkakirkju og Söngfélag Skaftfellinga í Reykjavík leiða söng undir stjórn Brians Rogers Haroldssonar organista og Friðriks Vignirs Stefánssonar kórstjóra Söngfélagsins.

 

Kirkjusúpa og uppboð í Kirkjuhvoli

Á eftir messunni verður boðið upp á rófusúpu í Kirkjuhvoli.  Rófurnar koma frá Maríubakka og mun Sigurður Daði Friðriksson matreiðslumeistari gera úr þeim súpu.

Þá verður uppboð í Kirkjuhvoli. Þar getur fólk boðið í margvíslegar skaftfellskar afurðir.

 

Ágóði af uppboðinu mun renna óskiptur til Krabbameinsfélags Vestur-Skaftafellssýslu!

 

Skráning hluta á uppboð er í síma 849-7549 fyrir 27. október.

 

 

Hr. Mosi / Mr. Moss
Skaftßrhreppur til framtÝ­ar
Sorphir­a og flokkun
Persˇnuverndarfulltr˙i og persˇnuverndarstefna

Samkvæmt lögum um persónuvernd nr. 90/2018 ber öllum...

Lesa

Laus st÷rf Ý Skaftßrhreppi

Hvar vilt þú vinna?

 

 

 

 

...

Lesa
G÷tukort