G÷ngufer­ um Me­alland; Botnar-Hˇlmasel-Hnausar
19.08.2010

Á sunnudaginn kemur stendur Ferðamálafélag Skaftárhrepps fyrir spennandi göngu um Meðallandið, sem víða leynir á sér.

Gangan hefst við Botna, þar sem Fljótsbotninn undraverði verður skoðaður.  Síðan verður gengið með Eldvatninu og komið við í Hólmaseli, kirkjustað Meðallendinga sem fór undir hraun í Skaftáreldum.  Kirkjumunir urðu allir Eldinum að bráð, þ.á.m. klukkan úr Þykkvabæjarklausturskirku, sem fengin hafði verið að láni og enn er óskilað (!!)
Í lok göngunnar verður tekið hús á Villa á Hnausum og baðstofan þar á bæ skoðuð.  Einnig stendur til að heimsækja slóðir loðna mannsins á Skarði.

Mæting er við Botnaafleggjarann kl. 9:00.  Gangan er nokkuð létt og hæfir flestum þokkalega sprækum.  Áætluð heimkoma er fyrir kvöldmat.

Verð í ferðina er að hámarki 1.500 krónur og eru akstur og fararstjórn innifalin.  Athugið að hægt er að fá far frá Klaustri ef það hentar.  Endanlegt verð mun ráðast af fjölda þátttakenda og fyrirkomulagi aksturs.

Um fararstjórnina sér Júlíana Þóra Magnúsdóttir þjóðfræðingur frá Syðri-Steinsmýri í Meðallandi og mega þátttakendur því eiga von á mörgum góðum sögum.

Skráning er hafin á netfanginu ferdamalafelag@gmail.com, hjá Ingibjörgu í s. 899-8767 eða Ólöfu Rögnu í s. 848-5427. Það er til mikilla bóta ef fólk skráir sig tímanlega, svo að hægt verði að skipuleggja fyrirkomulag aksturs.

Sjáumst spræk með nesti og nýja skó

Göngudeild Ferðamálafélagsins

Hr. Mosi / Mr. Moss
Skaftßrhreppur til framtÝ­ar
Sorphir­a og flokkun
Persˇnuverndarfulltr˙i og persˇnuverndarstefna

Samkvæmt lögum um persónuvernd nr. 90/2018 ber öllum...

Lesa

Laus st÷rf Ý Skaftßrhreppi

Hvar vilt þú vinna?


Lesa

G÷tukort