═slenskur sau­fjßrbˇndi hlřtur evrˇpsk umhverfisver­laun
25.03.2010

Erlendur Björnsson bóndi í Seglbúðum við Kirkjubæjarklaustur hlýtur í ár umhverfisverðlaunin “The Environment and Soil Management Award” fyrir uppgræðslu lands og vistheimt raskaðra vistkerfa á jörð sinni, en hann hefur unnið að þessu verkefni í tengslum við verkefnið „Bændur græða landið“ í samstarfi við Landgræðslu ríkisins. Verðlaunin verða veitt 16. mars nk. á ráðstefnu ELO, „European Landowner’s organization“ (www.europeanlandowners.org).

„Bændur græða landið“ er samstarfsverkefni Landgræðslunnar og bænda um uppgræðslu heimalanda, en Erlendur hóf uppgræðslustarfið árið 1982 og hefur unnið að því innan vébanda BGL frá 1994.

Síðustu árin hafa samtökin staðið fyrir afhendingu umhverfisverðlaunanna í samvinnu við Evrópuráðið, háskóla og rannsóknastofnanir. Markmið þeirra er að hvetja menn til að leita nýrra leiða við verndun landgæða og vekja athygli á mikilvægi jarðvegs og umhverfisverndar.
Við uppgræðslustörfin beitir Erlendur vistfræðilegri aðferðafræði og ber mjög litla áburðarskammta á staðargróðurinn, (um 50 kg/ha) og friðar uppgræðslusvæðið fyrir sauðfjárbeit. Hann telur það koma til góða síðar og hyggst nýta landið til sauðfjárbeitar þegar gróðurþekjan þolir beit. Verkefni Erlendar fellur mjög vel að hugmyndafræði vistheimtar og dregur fram mikilvægi hennar sem náttúruverndaraðgerðar. Svo skemmtilega vill til að árið 2010 er ár líffræðilegs fjölbreytileika, en uppgræðsluverkefni Erlendar sýnir glögglega hvernig vistheimt getur stuðlað að auknum líffræðilegum fjölbreytileika innan vistkerfa. Það varpar einnig ljósi á hversu stóru hlutverki bændur og aðrir landeigendur gegna við endurheimt og viðhald á þjónustu heilbrigðra vistkerfa sem nýtast ekki aðeins á afmörkuðum svæðum, heldur einnig á lands- og alþjóðavísu.

Helstu þættir sem horft er til við val á vinningsverkefni eru þessir:

•    Það stuðli að sjálfbærri landnýtingu og almennri jarðvegsvernd.
•    Sé sjálfbært út frá umhverfis, félagslegum og efnahagslegum forsendum.
•    Feli í sér nýbreytni og vera upprunalegt.
•    Aðferðir miði m.a. að því að hindra jarðvegsrof, tap á lífrænu efni jarðvegs og tap á líffræðilegum fjölbreytileika
•    Hugmyndafræðin sé nýtanleg við aðrar aðstæður.

Verkefni Erlendar dregur fram mikilvægi þekkingar á náttúrulegri framvindu jarðvegs og gróðurs og hversu náin tengsl eru milli umhverfis- og landbúnaðarmála. Hefðbundinn landbúnaður er sannarlega umhverfismál og til langs tíma litið er sjálfbær landnýting og vistheimt raskaðra vistkerfa lykilforsenda farsælla búskaparhátta.

Hr. Mosi / Mr. Moss
Skaftßrhreppur til framtÝ­ar
Sorphir­a og flokkun
Persˇnuverndarfulltr˙i og persˇnuverndarstefna

Samkvæmt lögum um persónuvernd nr. 90/2018 ber öllum...

Lesa

Laus st÷rf Ý Skaftßrhreppi

Hvar vilt þú vinna?


Lesa

G÷tukort