Skaftßrhreppur til framtÝ­ar

Samtal við íbúa Skaftárhrepps á vegum verkefnisins Brothættra byggða hófst með íbúaþingi í október 2013. Verkefnið í Skaftárhreppi hlaut heitið „Skaftárhreppur til framtíðar".  Var íbúaþingið ágætlega sótt. Alls voru 15 málaflokkar til umræðu á þinginu. Þau málefni sem hæst skoruðu voru fjarskipti, þriggja fasa rafmagn, húsnæðismál og atvinnumál, ekki síst ferðaþjónusta og landbúnaður, sem eru atvinnugreinar sem ber að styrkja.

Nokkrir íbúafundir hafa verið haldnir síðan, til að kynna framgang verkefnisins.  Á íbúafundi í nóvember 2015 var það sem fram kom á íbúaþinginu staðfest, það sem skiptir íbúa mestu til að þróun byggðar verði jákvæð, er að styrkja innviði, koma á þriggja fasa rafmagni, bæta fjarskipti og efla samgöngur. Ríkisjarðir eru margar og hafa íbúar skoðanir á nýtingu þeirra og ættliðaskipti er mál sem þarf að hafa þekkingu á. Þá liggja tækifæri í fullvinnslu afurða, sögutengdri ferðamennsku og nýtingu auðlinda. Skaftárhreppur er innan Kötlu Geopark og Vatnajökulsþjóðgarður er á afrétti hans. Hvoru tveggja býður upp á tækifæri til framtíðar.

Snemma árs 2015 var Eirný Vals ráðin verkefnisstjóri fyrir verkefnið í Skaftárhreppi. Hún hefur, ásamt verkefnisstjórninni, unnið að mótun framtíðarsýnar og markmiða fyrir verkefnið. Starfað verður eftir þeirri stefnumótun út verkefnistímann. Auk stefnumótunar hefur verkefnisstjóri unnið að kynningu verkefnisins innan stjórnsýslunnar og þeirra hagsmunaaðila sem gætu greitt fyrir þeim málum sem íbúar leggja áherslu á.

Haustið 2016 var framtíðarsýn Skaftárhreppur til framtíðar 2020 samþykkt.

Veittir eru verkefnastyrkir á vegum Brothættra byggða til þróunarverkefna og annarra samfélagseflandi verkefna á þeim svæðum sem taka þátt. Fimmtán verkefni í Skaftárhreppi hafa hlotið styrk. Í febrúar 2017 verður í þriðja sinn auglýst eftir umsóknum um styrki. Auglýsing ásamt úthlutunarreglum verður birt á vefnum.

Úthlutun styrkja 2015 og 2016

Úthlutun styrkja 2017

Skilaboð frá íbúaþingi 2013

Framtíðarsýn til 2020

Úthlutunarreglur styrkja Skaftárhrepps til framtíðar

Skaftßrhreppur til framtÝ­ar

Samtal við íbúa Skaftárhrepps á vegum verkefnisins...

Lesa

Sorphir­a og flokkun
Hva­ er Fri­ur og frumkraftar?
Laus st÷rf Ý Skaftßrhreppi
G÷tukort