Friður og frumkraftar er hagsmunafélag sem hefur þann tilgang að efla byggð í Skaftárhreppi, fjölga atvinnutækifærum og standa vörð um þau sem fyrir eru ásamt því að styrkja markaðsstöðu og ímynd Skaftárhrepps.
Slagorðið „Friður og frumkraftar/At ease with the elements“ vísar til þess að í Skaftárhreppi, er auðvelt að komast í tæri við frumkraftana; jörðina, eldinn, vatnið og loftið sem hafa mótað landið og eru enn að.
Jörðin er þungamiðja upplifunarinnar í Skaftárhreppi, þessu öðru landstærsta sveitarfélagi á Íslandi, en fámenna. Á hverjum 100 ferkílómetrum í Skaftárhreppi búa sjö manns, en í Reykjavík eru nær 44.300 íbúar á jafn stóru svæði. Víða má einnig bókstaflega ganga í jörð í einhverjum af fjölmörgum hellum svæðisins.
Eldurinn er nátengdur sögu svæðisins eins og flestir þekkja, þegar hraunmagn sem rann í Skaftáreldum var meira en um getur í öðrum gosum á jörðinni, síðasta árþúsundið. Jón "eldklerkur" Steingrímsson var sagður hafa stöðvað framgang hraunsins með bænaþunga sínum.
Vatnið hefur mótað land og líf í Skaftárhreppi. Skaftáin er lífæð svæðisins og minnir reglulega á sig þegar hún hleypur fram með tilheyrandi krafti. Undan hrauninu streyma tærar lindir og Systrafoss setur svip á umhverfið á Kirkjubæjarklaustri.
Loftið leikur blíðlega um vanga á mildum sumardögum, enda veðurfar í Skaftárhreppi milt og margir Íslendingar eiga sér endurminningar um fallega sumardaga á Klaustri og í nágrenni.
Félagið var formlega stofnað 24. september 2009 og eru félagar nú orðnir 23 talsins:
Arion banki
Ferðamálafélag Skaftárhrepps.
Ferðaþjónustan Hunkubökkum ehf.
Glæðir ehf/ Klausturbleikja.
Hálendismiðstöðin Hólaskjól
Hótel Geirland ehf.
Hótel Klaustur / Bær hf.
Hótel Laki, Efri Vík ehf.
Islandia Hotel ehf / Hótel Núpar.
Hrífunes/Borgar ehf.
Hrífunes Guesthouse
Íslenskir fjallaleiðsögumenn ehf.
Kaupás / Kjarval á Klaustri
KBK ehf.
Kirkjubæjarstofa ses.
Kristbjörg Hilmarsdóttir / Nonna og Brynjuhús Þykkvabæjarklaustri
Kynnisferðir ehf.
Seglbúðir/Geilar ehf.
Sjóbirtingssetur/Laxfiskar ehf.
Skaftárskáli / E.Guðmundsson ehf.
Systrakaffi ehf.
Skaftáreldar ehf.
Skaftárhreppur.
Tjaldsvæðið Kirkjubæ II
Stjórn félagsins skipa;
Erla F. Ívarsdóttir, Hótel Geirland, formaður
Þórunn Júlíusdóttir, Seglbúðir/Geilar ehf., ritari
Ingibjörg Eiríksdóttir, Kirkjubæjarstofa, gjaldkeri
Varastjórn;
Guðmundur Vignir Steinsson, Systrakaffi/Skaftárskáli
Kristbjörg Hilmarsdóttir, Nonna og Brynjuhús
Einar Torfi Finnsson, Íslenskir fjallaleiðsögumenn
Öðrum er velkomið að ganga til liðs við félagið. Margt smátt gerir eitt stórt
Skýrsla um mörkun Skaftárhrepps
Fundargerðir
Stofnfundargerð 24. september 2009
Stjórnarfundur 12. október 2009
Stjórnarfundur 2. desember 2009
Stjórnarfundur 5. janúar 2010
Stjórnarfundur 1. febrúar 2010
Stjórnarfundur 1. mars 2010
Stjórnarfundur 6. apríl 2010
Stjórnarfundur 29. apríl 2010
Stjórnarfundur 3. maí 2010
Stjórnarfundur 16. júní 2010
Stjórnarfundur 10. ágúst 2010
Aðalfundur 16. júní 2010
